U Lufthansa nazvali asnoŭnuju pryčynu avijakatastrofy ŭ Francyi
Asnoŭnaja viersija avijakatastrofy na poŭdni Francyi — niaščasny vypadak, astatnija viersii źjaŭlajucca śpiekulacyjami.
Pra heta, jak paviedamlaje Reuters, zajaviła vice-prezident Lufthansa ŭ Jeŭropie Chiejkie Birlenbach.
«Na dadzieny momant my zajaŭlajem, što heta niaščasny vypadak. Nam niama čaho bolš zaraz skazać. Usio astatniaje źjaŭlajecca śpiekulacyjami», — skazała Birlenbach na pres-kanfierencyi ŭ Barsiełonie.
Samalot Germanwings (łaŭkoster, jaki naležyć niamieckaj Lufthansa), jaki lacieŭ z Barsiełony ŭ Dziuseldorf, raźbiŭsia na poŭdni Francyi 24 sakavika. Na jaho borcie znachodzilisia 150 čałaviek, jak miarkujecca, usie jany zahinuli. Siarod pasažyraŭ było 67 hramadzian Hiermanii i, jak miarkujecca, 45 — Ispanii, a taksama adzin hramadzianin Turcyi.