U domie druhoha piłota A320 palicyja zrabiła važnaje adkryćcio
Palicyja ŭ Hiermanii paviedamiła ab «važnym adkryćci» padčas pieratrusu ŭ domie niamieckaha piłota Andreasa Lubica ŭ Mantabaŭry, jakoha padazrajuć u naŭmysnym krušeńni łajniera Airbus A320.
Reuters.com
Śledčyja pakul nie patłumačyli, što heta za znachodka, ale jany kanfiskavali niekalki rečaŭ druhoha piłota, jaki raźbiŭsia ŭ Alpach A320, siarod jakich byŭ jaho kampjutar.
Padrabiaznaści palicejskija paviedamić admovilisia, zajaviŭšy tolki, što siarod vyjaŭlenych pradmietaŭ nie było pieradśmiarotnaj zapiski.
Pieratrus doŭžyŭsia niekalki hadzin. Jak paviedamlajecca, śledčyja dziejańni ŭ domie piłota ŭ Dziusieldorfie prajšli pa inicyjatyvie francuzskich pravaachoŭnych orhanaŭ.