Łukašenka: Dychaje sielskaja haspadarka ci nie, i čaho joj nie chapaje, kab narmalna dychać
Pytańni stratehičnaha raźvićcia sielskaj haspadarki buduć razhledžany ŭ krasaviku, pa vynikach pieršaha kvartała.
BiełTA
Ab hetym paviedamiŭ Alaksandr Łukašenka 27 sakavika na naradzie pa situacyi ŭ sielskahaspadarčaj halinie, prablemach i pierśpiektyvach raźvićcia.
Kiraŭnik dziaržavy zapatrabavaŭ spravazdačy ab realnaj situacyi ŭ sielskaj haspadarcy. Jon nahadaŭ, što ŭ minułym hodzie pryniata niekalki ukazaŭ, nakiravanych na palapšeńnie situacyi ŭ halinie.
«Z usimi pa viertykali ŭ sielskaj haspadarcy damovilisia, što kali Prezident padpisvaje 3-5 ukazaŭ, to sielskaja haspadarka uzdychnie. Prajšło niamała času, kab pahladzieć — dychaje sielskaja haspadarka ci nie. Ja chacieŭ by siońnia pačuć, jak jana dychaje i čaho joj nie chapaje dla taho, kab narmalna dychać», - skazaŭ Łukašenka.
Alaksandr Łukašenka miarkuje, što pa ŭsich pytańniach raźvićcia vioski byli nie prosta pryniaty rašeńni, a ŭkładzienyja kałasalnyja resursy, kab sielskaja haspadarka narmalna pracavała. Z ulikam hetaha dziaržava čakaje adpaviednaj addačy pa ŭsich napramkach raźvićcia APK.
«Stratehičnyja pytańni raźvićcia sielskaj haspadarki my razhledzim pa vynikach pieršaha kvartała, u krasaviku, jak i damaŭlalisia, u Viciebskaj, Mahiloŭskaj ci ž Bresckaj vobłaści, dzie novyja hubiernatary. Moža, jany buduć bolš adkrytyja i raskažuć pra prablemy, jakija isnujuć zychodziačy z taho, što ŭsio ž taki nie jany hetamu vinoj, što niedzie drenna», — padkreśliŭ kiraŭnik dziaržavy.