Nissan vypuścić aŭtamabil biez kiroŭcy ŭžo ŭ nastupnym hodzie
Kiraŭnik kancerna Renault-Nissan Karłos Hon, EPA
Japonski aŭtakancern Nissan Motor Co. źbirajecca vypuścić u prodaž u Japonii pieršuju bieśpiłotnuju madel aŭtamabila ŭ 2016 hodzie, paviedamlaje TASS ź Ńju-Jorkskaha aŭtasałona ŭ piatnicu, 3 krasavika.
Ab vypusku pieršaha sieryjnaha aŭtamabila biez kiroŭcy kiraŭnik kancerna Karłas Hon zajaviŭ na pres-kanfierencyi napiaredadni.
«Zrazumieła, vałodajučy takoj technałohijaj, my b chacieli jak maha chutčej prademanstravać jaje na japonskim rynku», — cytuje ahienctva słovy Hona.
Kiraŭnik Nissan Motor Co adznačyŭ, što ŭkaraniać technałohiju bieśpiłotnaha kiravańnia ŭ kampanii buduć pastupova. Spačatku aŭtamabil zmoža dapamahać kiroŭcu tolki na pramych mahistralach. Hon taksama adznačyŭ, što asnoŭnaj pieraškodaj dla ŭkaranieńnia novaj technałohii źjaŭlajucca zakanadaŭčyja normy biaśpieki darožnaha ruchu.