Łukašenku padałosia, što ŭrad naohuł nie zajmajecca prablemami transpartnaj haliny
Kiraŭnik dziaržavy patrabuje vynikaŭ ad dziejańniaŭ pa vyrašeńni prablem transpartnaj haliny.
BiełTA
Takuju zadaču A. Łukašenka pastaviŭ siońnia pry dakładzie ministra transpartu i kamunikacyj Anatola Sivaka nakont situacyi ŭ halinie, prablemach i pierśpiektyvach raźvićcia,
Kiraŭnik dziaržavy padkreśliŭ, što nie čakaje ad členaŭ urada adkaznych za halinu, ahulnych razvah. Kiraŭnik dziaržavy zapatrabavaŭ vykłaści bačańnie prablem i šlachi, pa jakich prapanujecca pajści, kab vyciahnuć śfieru sa stanovišča, u jakim jana trapiła.
Ciapierašnija niehatyŭnyja tendencyi nie mahli nie adbicca na pracy transpartnaha kompleksu krainy, adznačyŭ Alaksandr Łukašenka. «Stanovišča siońnia ŭsiudy niaprostaje. My heta viedajem. Ad pradprymanych dziejańniaŭ pavinny być adčuvalnyja vyniki», — zapatrabavaŭ kiraŭnik dziaržavy.
Łukašenka taksama zapatrabavaŭ paviedamić ab realnaj abstanoŭcy na pradpryjemstvach haliny i pracoŭnych kalektyvach, ź jakimi prablemami sutykajucca transpartnyja i darožnyja arhanizacyi i, samaje hałoŭnaje, jak vyrašajucca prablemy. Manitorynh situacyi ŭ hetaj śfiery pravodziŭsia z dapamohaj niezaležnych ekśpiertaŭ.
«U mianie skłałasia mierkavańnie, što ŭrad naohuł nie zajmajecca hetymi prablemami. Vice-premjer daloki ad ich, dy i ministr asabliva ŭ heta nie ŭnikaje.
Śpiecyjalisty, chvarejuć za halinu, nazyvajuć niekatoryja prablemy, jakija lažać u płoskaści transpartnych pradpryjemstvaŭ», — skazaŭ kiraŭnik dziaržavy.
Akramia taho, Łukašenka zapatrabavaŭ prainfarmavać, što robicca dla źnižeńnia sabiekoštu, pavyšeńnia dastupnaści i jakaści transpartnych pasłuh dla nasielnictva i biźniesu.
«Nabili askominu razvahi, što pierakryžavanaje subsidavańnie zahubiła transpartnyja arteryi, transpartnuju halinu, —adznačyŭ Łukašenka. — Nijakaha pierakryžavanaha subsidziravańnia ŭ krainie niama. Jość taryfy, značyć košty — pa ich pracujcie».