14-hadovaja dziaŭčyna vyratavała epileptyka,
Vypadak adbyŭsia ŭ Polščy.
Joj usiaho 14 hadoŭ, ale heta jana pakazała darosłym, jak pavinien siabie pavodzić čałaviek, kali žyćcio inšaha znachodzicca pad pahrozaj. Jana była adzinaj, chto ŭ aŭtobusie advažyŭsia dapamahčy epileptyku.
Vieranika Šuškievič ź Lubina (Polšča) ratavała chvoraha čałavieka, a inšyja pasažyry ŭciakali ŭ hety čas z aŭtobusa.
Mužčyna zvaliŭsia na padłohu kala kabiny kiroŭcy. Paśla hetaha ŭ jaho pačaŭsia epileptyčny prypadak. Pasažyry patrabavali spynić aŭtobus i paśla pačali pakidać jaho. 14-hadovaja dziaŭčyna prajšła z kanca aŭtobusa i pačała ratavać chvoraha.
Paźniej jana patłumačyła, što pieršaj dapamozie navučyłasia z knižak i kino, a ŭ budučyni choča stać fielčaram albo endakrynołaham.
Svaim prafiesijnym padychodam jana ździviła navat hrupu chutkaj dapamohi.
Dziaŭčynaj hanaracca taksama školnyja nastaŭniki. Jany padkreślivajuć, što ŭ škole ŭ jaje pakul nie było ŭrokaŭ pieršaj medycynskaj dapamohi.