Matčy salihorskaha «Šachciora» pačali ahučvać pa-biełarusku
Čaćviortaha krasavika, padčas matču pamiž «Šachcioram» i «Hranitam», z dynamikaŭ salihorskaha stadyjona hučała biełaruskaja mova.
Pavieł Kačanovič sprava. Jon sam ahučvaje matčy pa-biełarusku, hetaja ideja taksama naležyć jamu.
«Heta dušeŭny paryŭ, razumiejecie? Pamknieńnie. Mnie prosta zachaciełasia, kab matčy vialisia na rodnaj movie. I z hetaha siezonu tak i budzie», — patłumačyŭ «Našaj Nivie» pres-sakratar «Šachciora» Pavieł Kačanovič.
Taksama jon udakładniŭ, što «ahučka» – heta abviaščeńnie pa-biełarusku startavych składaŭ, infarmacyi ab zamienach, ahulnych źviestak ab sustrečy.
Pavodle słoŭ pres-sakratara, kiraŭnictva salihorskaha kłuba i zaŭziatary adreahavali na źmieny vielmi pazityŭna.
«Nivodnaj zaŭvahi ja nie čuŭ, tolki słovy padziaki ad kiraŭnictva: maŭlaŭ, pytańniaŭ niama, małajca, tak i praciahvaj dalej. Što da zaŭziataraŭ, to dla ich heta ŭvohule stała stanoŭčym šokam. Nichto ź ich navat nie čakaŭ, što budzie biełaruskaja ahučka – a tut na tabie! Karaciej, usie zadavolenyja», — raspavioŭ Pavieł i padkreśliŭ, što nieŭzabavie ŭ «Šachciora» źjaviacca i afišy, aformlenyja pa-biełarusku.