U Homieli za chabar zatrymany zahadčyk adździaleńnia psichbalnicy
U Homieli za chabar zatrymany zahadčyk dyspansiernym adździaleńniem Homielskaj abłasnoj kliničnaj psichijatryčnaj balnicy.
Jak paviedamiła aficyjny pradstaŭnik USK pa Homielskaj vobłaści Maryja Kryvanohava, miedyk byŭ zatrymany ŭ svaim rabočym kabiniecie paśla atrymańnia chabaru ŭ 200 dalaraŭ ad pradstaŭnika zacikaŭlenaj asoby. Niezakonnaje ŭznaharodžańnie pryznačałasia za afarmleńnie fiktyŭnaha miedycynskaha zaklučeńnia ab adsutnaści supraćpakazańniaŭ da kiravańnia aŭtatranspartam katehoryi V terminam na 1 hod i vydaču adpaviednaha dakumienta.
U dačynieńni da jaho raspačata kryminalnaja sprava na padstavie č. 1 art. 430 KK (atrymańnie chabaru).
Śledčyja sumiesna z apieratyŭnymi supracoŭnikami ŭstanaŭlivajuć inšyja mahčymyja fakty supraćpraŭnaj dziejnaści abvinavačvanaha.