Biełaruskija skarby pad adnoj vokładkaj

Prezentacyja fotaalbomu žurnalistaŭ Biełteleradyjokampanii Alaksandra Alaksiejeva i Aleha Łukaševiča «Cpadčyna Biełarusi. Skarby» prajšła 31 studzienia ŭ Nacyjanalnym mastackim muzei.

Prezientacyja fotaalboma žurnalistaŭ Biełteleradyjokampanii Alaksandra Alaksiejeva i Aleha Łukaševiča «Cpadčyna Biełarusi. Skarby» prajšła 31 studzienia ŭ Nacyjanalnym mastackim muziei.

U albomie apublikavany fotazdymki bolš čym 400 kaštoŭnych vyrabaŭ z zołata i sierabra — maniety, apravy knih, ikony, carkoŭnyja rečy i inšyja pradmiety, jakija zachavalisia na terytoryi Biełarusi. Jak zaznačyŭ A.Alaksiejeŭ, na fotazdymkach taksama adlustravana raznastajnaść apracoŭki mastackaha mietału ŭ krainie: technika čakanki, čarnieńnia, razmalavanaj emali.

Vyjavy kaštoŭnych pradmietaŭ raźmieščany ŭ chranałahičnym paradku. Samyja staražytnyja ekspanaty byli znojdzieny pry archieałahičnych raskopkach, jany datujucca VII—X stahodździami. Heta ŭ asnoŭnym maniety i vazy. Najbolš sučasnyja vyraby — adnoŭleny kryž i raka Jefrasińni Połackaj.

Usie pradstaŭlenyja ŭ vydańni pradmiety znachodziacca ŭ muziejnych fondach krainy, a taksama ŭ pravasłaŭnych i katalickich prychodach.

«Taki katałoh stvorany ŭpieršyniu, a značyć, nacyjanalny nabytak zachavany», — zaznačyła viadučy redaktar vydańnia Hanna Kaścialeckaja.

Alaksandr Alaksiejeŭ (naradziŭsia ŭ 1978 hodzie) skončyŭ fakultet mieniedžmientu BDEU, kandydat ekanamičnych navuk. Z 2001 hoda pracuje na Biełaruskim telebačańni, źjaŭlajecca aŭtaram i viadučym prahramy «Źniata!», redaktaram teleprajektaŭ «Naša spadčyna», «Novaja kalekcyja», «Epocha».

Aleh Łukaševič, 1972 hoda naradžeńnia, skončyŭ fakultet žurnalistyki BDU, atrymaŭ śpiecyjalnaści «režysior» i «apieratar telebačańnia» ŭ mižnarodnym centry «CIRNEA» u Paryžy. Z 1994 hoda pracuje na Biełaruskim telebačańni, źjaŭlajecca aŭtaram prajektaŭ «Źniata!», «Naša spadčyna», «Novaja kalekcyja», «Epocha». U 2001 i 2003 hadach uznaharodžany Hanarovymi dypłomami imia Ježy Hiedrojca za publicystyku ŭ śfiery kultury, u 2006‑m — Hanarovym dypłomam i miedalom za lepšy dakumientalny film «Epocha Marka Šahała».

Anastasija Janušeŭskaja, BiełaPAN

Kamientary da artykuła