Jak najchutčej treba biaźvizavy režym — śpikier Siejma Łatvii pra Uschodniaje partniorstva i Biełaruś
LETA
Śpikier Siejma Łatvii Inara Murnijecie miarkuje, što padčas samitu Uschodniaha partniorstva ŭ Ryzie nieabchodna dasiahnuć «maksimalnaha prahresu ŭ śfiery mabilnaści», bo ŭviadzieńnie biaźvizavaha režymu ES z astatnimi krainami prajekta moža stać adnym z hałoŭnych «bonusaŭ» hetaj idei.
Pra heta, jak paviedamlaje BNS, jana zajaviła padčas sustrečy z prezidentam Hruzii Hieorhijem Marhviełašvili.
U prajekcie Uschodniaha partniorstva, akramia krain Jeŭrasajuza, udzielničajuć taksama Ukraina, Małdova, Azierbajdžan, Armienija, Hruzija i Biełaruś.
Va Ukrainu, u Małdovu, Hruziju i Armieniju hramadzianie Łatvii na hety momant mohuć ujazdžać bieź vizy, kali meta znachodžańnia ŭ krainie — karotkaterminovaja pryvatnaja abo turystyčnaja pajezdka. U svaju čarhu, Azierbajdžan i Biełaruś nie majuć z Łatvijaj takoj damoŭlenaści.
Pa słovach Murnijecie, na samicie, jaki projdzie ŭ stalicy Łatvii ŭ mai, «nieabchodna dać jasny sihnał, što Uschodniaje partniorstva — doŭhaterminovaja palityka».