Kiraŭnik NASA: Rana ci pozna čałaviectvu pryjdziecca pakinuć Ziamlu
Kiraŭnik NASA Čarlz Bołden raspavioŭ kanhresu ZŠA ab płanach ahienctva pa dalejšym asvajeńni kosmasu i kałanizacyi Marsa. Pavodle jaho słoŭ, aerakaśmičnaje viedamstva pa-raniejšamu raźličvaje na toje, što da 2030 hoda čałaviectva vysadzicca na Čyrvonaj płaniecie, piša Engadget.
Čarlz Bołden Fota: al.com
Bołden ličyć, što ŭ budučyni čałaviectvu tak ci inakš pryjdziecca pakinuć Ziamlu, a Mars źjaŭlajecca najbolš zručnaj płanietaj dla kałanizacyi i pierasialeńnia.
Kiraŭnik viedamstva taksama nahadaŭ kanhresu ab płanach NASA pa vyvadzie na arbitu Miesiaca asteroida, jaki stanie svojeasablivaj bazaj dla adpracoŭki novych kaśmičnych technałohij. Mienavita na hetym «pieravałačnym punkcie» viedamstva płanuje ŭ budučyni vyprabavać abstalavańnie, nieabchodnaje dla palotu kiravanaha kaśmičnaha karabla da Marsa.
Taksama Bołden ahučyŭ mierkavańnie NASA z nahody pryvatnych kaśmičnych kampanij nakštałt SpaceX i Mars One i ich płanaŭ ab kałanizacyi Čyrvonaj płaniety. «Nivodnaja pryvatnaja kampanija nie źjaŭlajecca kankurentam NASA. Jany nie zmohuć ažyćciavić palot na Mars biez padtrymki našaha viedamstva i dziaržavy», — zajaviŭ kiraŭnik kaśmičnaha viedamstva.