Alaksandr Hleb: Niezdarma Łukašenku pieraabirajuć 20 hadoŭ
Łukašenka nie dyktatar, jon prosta strohi.
Pra heta ŭ intervju francuzskamu časopisu SoFoot zajaviŭ biełaruski futbalist Alaksandr Hleb, u minułym paŭabaronca «Štutharta» i «Arsienała», a ciapier hulec tureckaha kłuba «Hienčlerbirlihi».
tut.by
«Adnojčy ŭ adnoj z haziet vyjšaŭ materyjał pra mianie. I kab mianie pradstavić, žurnalisty raspaviadali pra maju krainu. Napisali, što ŭ Biełarusi ludzi jeździać na kalosach, žyvuć na bałocie. Mianie heta razzłavała», — cytuje słovy Hleba ŭ intervju francuzskamu časopisu sajt offside.by. — Čystyja vulicy, lasy, pakrytyja śnieham zimoj, hramadski transpart, jaki prychodzić zaŭsiody svoječasova, prezident. Ja ŭ kursie: u Jeŭropie ŭsio ličać, što Alaksandr Łukašenka — dyktatar. Ale heta niapraŭda. Časam jon byvaje strohim, ale dziakujučy jamu ŭ nas mnohija rečy źmianilisia.
I na siońniašni dzień u Biełarusi dobra žyvuć. Nie prosta ž tak jaho abirajuć znoŭ i znoŭ voś užo dvaccać hadoŭ. U apošni raz jon nabraŭ 80% hałasoŭ».