Maksim Mirny ŭpieršyniu amal za 16 hadoŭ pakinuŭ lik 60 lepšych parnych tenisistaŭ śvietu
Niaŭdałaje vystupleńnie na turniry ŭ Monte-Karła prykmietna pahoršyła rejtynh biełaruskaha tenisista Maksima Mirnaha.
Z 20 krasavika jon zajmaje 64-je miesca ŭ parnym rejtynhu, apuściŭšysia na dzieviać radkoŭ. Heta najhoršy pakazčyk paśla 7 červienia 1999 hoda.
Na turniry ŭ Monte-Karła ŭ pary z bałharynam Hryharam Dzimitravym Mirny vybyŭ u druhim kruzie (1/8 finału), tady jak hod tamu razam ź Michaiłam Južnym z Rasii jon dajšoŭ da paŭfinału.
U žanočym adzinočnym rejtynhu Viktoryja Azaranka pieramiaściłasia z 32-ha na 31-je miesca. Na minułym tydni jana vystupała ŭ Kubku fiederacyi i palepšyła rejtynh dziakujučy źmianšeńniu kolkaści ačkoŭ u susiedki — Zaryny Dzijas z Kazachstana, jakaja zajmała 31-šy radok.