Uruhvajcy dapamahli biełarusam vyjści ŭ čverćfinał ČS pa futzale
Na čempijanacie śvietu pa futzale siońnia zaviaršylisia spabornictvy ŭ troch papiarednich hrupach.
Lidary kvarteta A uruhvajcy na placoŭcy minskaha Pałaca sportu ŭ napružanym pajadynku z brazilcami zdoleli vyrvać pieramohu ź likam 2:1 i nabrali 9 ačkoŭ z 9 mahčymych. Dziakujučy hetaj viktoryi zbornaj Uruhvaja kamanda Biełarusi taksama atrymała pucioŭku ŭ čverćfinał, niezaležna ad vyniku siońniašniaha pajadynku z aŭtsajdaram turniru zbornaj Aŭstralii.
Kamanda Brazilii, jakaja sastupiła biełarusam u pieršym tury (1:2), a zatym abyhrała aŭstralijcaŭ (5:1) raźvitvajecca z suśvietnym pieršynstvom.
Stanovišča kamand hrupy A pierad zaklučnaj sustrečaj: Uruhvaj — 9 ačkoŭ (3 matčy), Biełaruś — 3 (2), Brazilija — 3 (3), Aŭstralija — 0 (2).