«Načnyja vaŭki» śćviardžajuć, što zajechali na terytoryju ES
Niekatorym členam motakłuba «Načnyja vaŭki» udałosia ŭjechać na terytoryju Jeŭrasajuza, havorycca ŭ paviedamleńni na staroncy kłuba ŭ «žyvym časopisie».
fota z ŽŽ «Načnych vaŭkoŭ»
«Niahledziačy na toje, što pa ŭsich pahranpierachodach razdadzienyja raznaradki — «nie puskać NV [«Načnych vaŭkoŭ»], našy ŭsio taki pierajšli miažu! Pra heta paviedamiŭ Chirurh [bajkier Alaksandr Załdastanaŭ]. Zaraz chłopcy adpravilisia pa zapłanavanym maršrucie. Meta — Bracisłava. Tam jany pavinny sustrecca z bajkierami z Bałkanskaha paŭvostrava», — paviedamlaje kłub.
Kiraŭnik motaprabiehu «Načnych vaŭkoŭ» da 70-hodździa Pieramohi Andrej Babroŭski zajaviŭ radyjostancyi «Havoryć Maskva», što pradstaŭniki kłuba dabralisia da Čechii:
«Častka našych udzielnikaŭ u Ostravie znachodziacca, bo my płanujem mierapryjemstvy z konsulstvam u honar 70-hodździa vyzvaleńnia Ostravy».
Pavodle jaho słoŭ, motakałona ruchajecca pa zapłanavanym maršrucie.
Pry hetym nie ŭdakładniajecca, u jakim miescy bajkiery pierasiekli miažu i kolkim matacyklistam udałosia ŭjechać na terytoryju ES.