UPC-MP rastłumačyła, čamu mitrapalit Anufryj admoviŭsia ŭšanavać pamiać ukrainskich vajskoŭcaŭ
Pradstajaciel Ukrainskaj pravasłaŭnaj carkvy Maskoŭskaha patryjarchatu mitrapalit Anufryj nie padniaŭsia na ŭračystym pasiadžeńni Viarchoŭnaj Rady padčas čytańnia imionaŭ bajcoŭ ATA, nibyta kab padkreślić, što treba nieadkładna spynić vajnu.
Pra heta havorycca ŭ paviedamleńni pres-słužby UPC (MP).
«Padčas pramovy prezidenta Ukrainy Piatra Parašenki prysutnyja stojačy vitali imiony tych, chto byŭ uharanavany zvańniem Hieroja Ukrainy za ŭdzieł u abaronie Ajčyny na Uschodzie našaj dziaržavy. Vialebny Mitrapalit Anufryj nie adreahavaŭ na hetuju pramovu hetak ža, jak i ŭsie inšyja hości i ŭdzielniki ŭračystaha pasiadžeńnia, kab padkreślić — treba nieadkładna spynić vajnu!», — havorycca ŭ zajavie.