Siońnia Palina Respublika daje aŭtohraf-siesiju ŭ Minsku
Śpiavačka sustreniecca sa svaimi prychilnikami ŭ kniharni «Łohvinaŭ» (Minsk, pr-t Niezaležnaści, 37a) z nahody vychadu dyska «Biaskoncy krasavik».
Napiaredadni kancertu Palina Respublika daje aŭtohraf-siesiju ŭ kniharni «Łohvinaŭ» siońnia, 12 maja ŭ 19.00.
Mienavita ŭ hety čas startuje prodaž jaje debiutnaha dysku «Biaskoncy krasavik», nad jakim niekalki hod viałasia praca. Palina abiacaje adkazać na ŭsie pytańni, padpisać usie dyski i krychu paśpiavać. Akramia taho, padčas sustrečy možna budzie nabyć kvitki (biez kamisii) na žyvuju prezientacyju alboma 15 maja ŭ Studio67.
«Vychad dyska — heta padzieja, jakuju my sami čakali vielmi doŭha. Anijakich kaardynalnych zmienaŭ farmatu ci pryncypova novych rečaŭ nie płanujecca. My budziem takimi, jakimi nas viedajuć i, spadziajusia, lubiać», – zajaŭlaje śpiavačka.