Vialikabrytanija vystupiła suprać mihranckich kvot ES
Ministr unutranych spraŭ Vialikabrytanii Tereza Mej vykazała niazhodu z prapanovaj kiraŭnika Jeŭraparłamienta ab uviadzieńni kvot na raźmierkavańnie biežancaŭ siarod usich krain ES.
Pavodle jaje słoŭ, u vypadku pryniaćcia hetaj idei kolkaść mihrantaŭ u krainie vyraście ŭdvaja — da 60 tysiač čałaviek, paviedamlaje The Daily Express. Mej maje namier błakavać hetuju inicyjatyvu.
Hetaja tema moža stać pieršym surjoznym kryzisam u adnosinach Jeŭrasajuza i novaha ŭrada Vialikabrytanii, adznačaje vydańnie.
Nahadajem, premjer-ministr Vialikabrytanii Devid Kemieran zajaviŭ, što pieramoha na parłamienckich vybarach dała jamu mandat na pierahlad adnosin ź Jeŭrasajuzam. Adnym ź pieradvybarnych abiacańniaŭ Kemierana było praviadzieńnie refierendumu ŭ 2017 hodzie pa pytańni vychadu ź ES.