Fizasoby — klijenty InterPejBanka zmohuć padavać zajavy na viartańnie hrošaj z 29 maja
Fizičnyja asoby — klijenty InterPejBanka zmohuć z 29 maja padavać zajavy na viartańnie srodkaŭ z rachunkaŭ hetaha banka.
Pryjom zajaŭ buduć vieści Ahienctva pa harantavanaj kampiensacyi bankaŭskich układaŭ (depazitaŭ) fizičnych asob, a taksama Bank Maskva — Minsk, jaki paźniej viernie hrošy klijentam InterPejBanka. Ahienctva budzie prymać hramadzian z paniadziełka pa piatnicu z 9.00 da 18.00 (subota, niadziela — vychadnyja dni). U padraździaleńni Banka Maskva — Minsk možna budzie źviartacca pa hrafiku ich pracy.
Jak paviedamlałasia, licenzija na ažyćciaŭleńnie bankaŭskaj dziejnaści InterPejBanka adklikanaja z 8 maja. Takoje rašeńnie praŭleńnie Nacyjanalnaha banka pryniało ŭ suviazi ź nievykanańniem bankam licenzijnych patrabavańniaŭ da vieličyni narmatyŭnaha kapitału, adsutnaściu vyraznych pierśpiektyŭ pa jaho naroščvańni, nievykanańniem inšych licenzijnych patrabavańniaŭ, ustanoŭlenych Bankaŭskim kodeksam.