Finski fest Lost In Music prapanavaŭ vystupić biełarusam
Da kanca padačy zajavak zastałosia dva tydni.
Experty.by, biełaruski partnior finskaha šoŭkiejs-fiestyvalu Lost In Music, abviaściŭ ab nabory hurtoŭ na vystup ad Biełarusi. Fest projdzie 14-17 kastryčnika ŭ Tampiere, druhim pa vieličyni horadzie Finlandyi.
Hurtam prapanujecca zapoŭnić formu na sajcie festu. Adboram zojmucca jaho niepasrednyja arhanizatary. Zajaŭki treba adsyłać da 31 maja.
Adabranyja vykanaŭcy atrymlivajuć biaspłatnaje raźmiaščeńnie i charčavańnie na dzień vystupu, a taksama propusk na kanfierencyju Music&Media, što adbudziecca ŭ hetyja ž dni. Mahčymaja vizavaja padtrymka.
«Za apošnija paru hod ja bačyŭ biełaruskich artystaŭ na šoŭkiejsach u Vilni i Talinie. Na moj pohlad, siarod ich dakładna jość tyja, chto varty mižnarodnyj sceny», — kaža Tapia Korjus, staršynia kiravańnia Music&Media.
Dziakujučy zhadanym festam hurt Super Besse vydaść albom na jeŭrapiejskim łejble «I Love You Records», a Port Mone padpisali kantrakt z bukinh-ahienctvam Charmenko, jakoje adkazvaje za kancerty Horana Brehaviča i Manu Chao.
Kvitok na ŭsie kancerty čatyrochdzionnaha festu dla hledačoŭ kaštuje 24 jeŭra, zamović jaho možna anłajn.