Na samicie Uschodniaha partniorstva ŭ Ryzie Biełaruś reprezientuje Makiej
Na samicie Uschodniaha partniorstva ŭ Ryzie Biełaruś pradstavić ministr zamiežnych spraŭ Uładzimir Makiej. Pra heta paviedamiŭ TUT.BY dziaržaŭny sakratar MZS Łatvii Andrejc Piłdehovičs.
president.gov.by
Jak raspavioŭ Piłdehovičs, pahadnieńnie ab spraščeńni vizavaha režymu pamiž Biełaruśsiu i ES u Ryzie parafiravana nie budzie. Na ŭzhadnieńnie tekstu dakumienta i jaho padpisańnie płanujecca vyjści ŭ siaredzinie červienia — da kanca łatvijskaha staršynstva ŭ ES.
«My budziem nad hetym pracavać», — reziumavaŭ Piłdehovičs. Taksama, pavodle infarmacyi dziaržsakratara MZS Łatvii, na samicie nie budzie padpisana Partniorstva pa mabilnaści (heta pahadnieńnie praduhledžvaje pahłyblenaje supracoŭnictva pa pytańniach pracoŭnaj mihracyi, mabilnaści i baraćby ź niezakonnaj mihracyjaj). Kali budzie padpisany hety dakumient, nieviadoma.
Samit Uschodniaha partniorstva projdzie ŭ Ryzie 21-22 maja. Nahadajem, na minułym samicie, jaki prajšoŭ u Vilni vosieńniu 2013 hoda, Biełaruś taksama pradstaŭlaŭ Uładzimir Makiej.