Bajeviki «Isłamskaj dziaržavy» zachapili antyčny horad Palmira
Bajeviki «Isłamskaj dziaržavy» (ID) zachapili siryjski horad Palmira, u jakim znachodziacca ŭnikalnyja antyčnyja razvaliny.
Pavodle infarmacyi pravaabarončaj hrupy «Siryjskaja absiervatoryja pa pravach čałavieka», bajevikam udałosia zachapić amal uvieś horad. Siryjskija vojski adstupili.
Ruiny Palmiry pryznanyja JUNIESKA pomnikam Suśvietnaj spadčyny. U ciapierašni čas na miescy antyčnaha horada znachodzicca vioska.
U kancy lutaha hrupoŭka vykłała videa, na jakim bajeviki rujnujuć na poŭnačy Iraka kalekcyju statuj i skulptur. Uzrost artefaktaŭ pieravyšaje niekalki tysiač hadoŭ.