Daktary śpiać na pracy. Ci možna im? FOTA
Sami daktary miarkujuć, što paśla pary dziasiatkaŭ hadzin niaspynnaj pracy — nie hrech.
Fota, ź jakoha pačaŭsia fłešmob
Adnojčy pacyjent mieksikanskaj lakarni sfatahrafavaŭ miedsiastru, jakaja zasnuła na pracy. Hultajka, zrabiŭ vysnovu jon. Praŭda, u mnohich łacinaamierykanskich krainach narmalnaja praktyka — prymušać pracavać maładych śpiecyjalistaŭ pa 36 hadzin, piša BBC.
U padtrymku «hultajki» mieksikanski lekar Chuan Karłas apublikavaŭ tvit z chešteham #YoTambienMeDormi («Ja taksama zasynaŭ»). Chešteh padchapili inšyja daktary — u Twitter pačaŭsia stychijny fłešmob.
«Ja taksama zasynaŭ, kali apieravaŭ adnoha, dvuch, troch čatyroch pacyjentaŭ za źmienu», — napisaŭ Karłas.
Dy i ŭ luboj krainie apieracyi mohuć ciahnucca značna bolš za 8-hadzinny rabočy dzień.
Inšyja daktary i miedsiostry, jakija zasynali na pracy:
Paśla 10 hadzin apieracyi. Fota: @wisalnisar
Paśla 36 hadzin pracy. Fota: @Jannahenriquez
Kali pacyjent vyjšaŭ z krytyčnaha stanu. Fota: @DanielVelaMD
Kamandnaja rabota. Fota: @MundoOpi
Fota: @Yoliz_Fnzk
Z takoj pracaj spać kamfortna paŭsiul i ŭ luboj pozie. Fota: @DrIvanHdez
Surjozna, u luboj pozie. Fota: @Pajaropolitico
U sensie, zusim u luboj. Fota: @Freem_Ayalaa
Paduška nie abaviazkovaja. Fota: @ChentePepe
Chacia možna i z paduškaj. Fota: @AcuarianitaMena
Na samoj spravie, tradycyja fatahrafavańnia stomlenych daktaroŭ nie novaja. Słavutaje fota ŭ 1987 hodzie zrabili kalehi polskaha kardyjochirurha Źbihnieva Relihi.
Relih na piarednim płanie — paśla 23 hadzin paśpiachovaj apieracyi pa pierasadcy serca jon jašče maje siły nazirać za pakaźnikami raboty novaha serca pacyjenta. A voś jaho asistent — jon na zadnim płanie ŭ pravym kucie.