Fiederacyja chakieja maje namier zaklučyć kantrakt z Dejvam Ljuisam jašče na try hady
Fiederacyja chakieja Biełarusi maje namier padpisać kantrakt z hałoŭnym trenieram zbornaj Dejvam Ljuisam jašče na try hady, da kanca alimpijskaha cykła, paviedamiŭ staršynia fiederacyi Ihar Račkoŭski na pres-kanfierencyi 21 maja.
«U nas byŭ miemarandum ab supracoŭnictvie da 2018 hoda, ale pa prośbie Dejva my zaklučyli pahadnieńnie da kanca siezona, kab fiederacyja sama pryniała rašeńnie paśla čempijanatu śvietu, — skazaŭ Račkoŭski. — Usie chłopcy pahadzilisia pracavać dalej ź Ljuisam. My praviali hruntoŭnuju hutarku i ŭ dalejšym budziem adpracoŭvać detali».
Ciapier Ljuis znachodzicca doma, u Kanadzie. «Hetyja dva miesiacy emacyjanalna vielmi vypustašyli jaho», — adznačyŭ kiraŭnik fiederacyi.
Na 79-m čempijanacie śvietu ŭ Čechii biełaruskaja zbornaja zaniała siomaje miesca siarod 16 kamand, prajhraŭšy ŭ čverćfinale kanadcam (0:9).
Ljuis uznačaliŭ kamandu 12 śniežnia 2014 hoda, źmianiŭšy Uładzimira Krykunova, jaki prapracavaŭ na hetaj pasadzie ŭsiaho 50 dzion.