Supracoŭniki kniharni «łohvinaŬ» publična zaviazali z kureńniem FOTA
Siońnia, 25 maja, supracoŭniki kniharni «łohvinaŬ» zładzili «Fest apošniaj cyharety»: jany ŭračysta vykuryli pa apošniaj cyharecie na prystupkach kramy.
«Pa sutnaści, adzinaje, što my možam ciapier rabić – heta jašče lepš rabić knihi i jašče lepš ich rekłamavać, — kaža art-dyrektar «łohvinaŬ» Pavał Kaściukievič. — I my ličym, što sa zdarovym arhanizmam my budziem rabić heta lepiej, i tamu paŭstała takaja ideja: publična kinuć kuryć i zaachvocić inšych ludziej nie tracić hrošy na cyharety, nie paturać svaim słabaściam. A kab nam nie było tak kiepska, my vyrašyli zładzić admysłovuju akcyju, da jakoj moh dałučycca luby achvotny».
Taksama siońnia prezientavali sajt kniharni, jaki musić stać placoŭkaj dla abmierkavańnia litaraturnych pytańniaŭ dy prablem.