U Breście aŭtamabilista pakarali za nieprystojnuju nalepku sa svastykaj FOTA
Svastyka adsutničaje ŭ śpisie dazvolenych u Biełarusi nalepak na aŭto.
Ludmiła z Bresta raspaviała «Našaj Nivie» pra novy vypadak ź nieprystojnaj nalepkaj na aŭto. U pačatku miesiaca jana vyklikała milicyju da aŭtamabila ź vielizarnaj nieprystojnaj nalepkaj sa svastykaj i siarpom z mołatam. Paźniej jana pabačyła inšuju mašynu z padobnaj nalepkaj mienšaha pamieru.
Nalepka pryniesła ŭładalniku administracyjnaje pakarańnie. Ale nie za nieprystojnuju vyjavu, a za parušeńnie PDR.
Pa słovach Ludmiły, jana pabačyła mašynu ź nieprystojnaj nalepkaj (zamiest siarpa i mołata na hety raz była čyrvonaja zorka) paśla paradu na Dzień Pieramohi na vulicy Abaroncaŭ Bresckaj krepaści. «Soram prosta niejki, pa hetaj vulicy pierakryli ruch na toj čas, daišnikaŭ čałaviek 10 i nichto nie bačyć?» — aburajecca jana.
Praz dva tydni paśla taho, jak žančyna nakiravała zapyt u DAI, jana atrymała adkaz: zhodna z praviłami darožnaha ruchu ŭładalnik aŭto atrymaŭ administracyjnaje pakarańnie. Pavodle pravił, udzieł u darožnym ruchu zabaronieny ź lubymi vyjavami na aŭto, akramia asobna pieraličanych infarmacyjnych nalepak.
«Ale ž pytańni u mianie zastalisia: čamu nie pakarali za svastyku, heta ž parušeńnie Zakona suprać ekstrymizmu?» — pytajecca Ludmiła.