«Kubań» prahnała Leanida Kučuka, z-za jakoha byŭ zvolnieny Viktar Hančarenka
Futbolny kłub «Kubań» i hałoŭny trenier Leanid Kučuk «dasiahnuli ŭzajemnaha pahadnieńnia ab skasavańni pracoŭnaha dahavora», paviedamiła 25 maja pres-słužba kłuba.
«Leanid Kučuk dvojčy ŭznačalvaŭ hałoŭnuju kamandu Krasnadarskaha kraju — u 2013 i 2014—2015 hadach, mieŭšy dačynieńnie da najvyšejšych dasiahnieńniaŭ u historyi kłuba — vychadaŭ u Lihu Jeŭropy i finał Kubka Rasii», — zaznačajecca ŭ relizie.
U siaredzinie listapada minułaha hoda Kučuk źmianiŭ inšaha biełaruskaha śpiecyjalista — Viktara Hančarenku, jakomu była pastaŭlenaja ŭ vinu adsutnaść naležnaj dyscypliny ŭ kamandzie.
Z 15 matčaŭ u miežach čempijanatu Rasii pad kiraŭnictvam Kučuka «Kubań» vyjhrała tolki adzin i apuściłasia ź piataha miesca na dziasiataje, a paśla paražeńnia ŭ finale Kubka Rasii (ad byłoha kłuba Kučuka «Łakamatyva») pazbaviłasia šansaŭ zhulać na mižnarodnaj arenie.
Miž tym pad kiraŭnictvam Hančarenki kamanda praviała pieršyja 13 matčaŭ čempijanatu Rasii, u jakich atrymała šeść pieramoh, šeść razoŭ zhulała ŭničyju i adzin raz prajhrała (0:6 maskoŭskamu CSKA, paśla čaho adbyłasia adstaŭka).
Da kanca čempijanatu Rasii «Kubańniu» budzie kiravać asistent Kučuka Andrej Saśnicki. Eks-abaronca zbornaj Biełarusi byŭ hałoŭnym trenieram bresckaha «Dynama» i małdaŭskaha «Šeryfa», a taksama pracavaŭ na roznych pasadach u mazyrskaj «Słavii» i maskoŭskim «Łakamatyvie». 25 maja krasnadarcy zhulali ŭ Maskvie ŭničyju 1:1 z «Łakamatyvam», dzie Kučuk pracavaŭ da pierachodu ŭ «Kubań».