U Mahilovie padletak padpaliŭ pakiety z čypsami na palicy supiermarkieta
U Mahilovie ŭ vyniku dziciačaha svavolstva z ahniom viečaram 25 maja ŭźnikła zadymleńnie ŭ supiermarkiecie «Jeŭraopt» pa vulicy Karalova.
Jak paviedamili BiełaPAN u Mahiloŭskim abłasnym upraŭleńni MNS, u 17.41 pastupiła infarmacyja ab spracoŭvańni supraćpažarnaj sihnalizacyi ŭ mahazinie. «Da momantu prybyćcia padraździaleńniaŭ MNS hareńnie pakietaŭ z čypsami na stełažy ŭ handlovaj zale likvidavanaje rabotnikami mahazina z dapamohaj vohnietušyciela VP-10. U handlovaj zale mahazina «Jeŭraopt» nazirałasia zadymleńnie, ludzi samastojna pakinuli pamiaškańni», — raskazali va ŭpraŭleńni.
Jak zajavili ŭ Leninskim RAUS Mahilova, zadymleńnie arhanizavali troje niepaŭnaletnich, jakija byli biez nahladu baćkoŭ: adzin padpaliŭ, dvoje hladzieli. Zhareli try pački čypsaŭ. «Padletki buduć pastaŭlenyja na ŭlik, a baćki zapłaciać štraf za naniesieny ŭron», — paviedamili ŭ milicyi.