Źmieny ŭ hrafiku adklučeńnia haračaj vady na červień
Z-za źmienaŭ u hrafiku płanavych prafiłaktyčnych vyprabavańniaŭ i ramontu ciepłavych sietak ŭniesienyja karektyvy i ŭ hrafik adklučeńnia haračaha vodazabieśpiačeńnia ŭ spažyŭcoŭ, paviedamili ŭ pres-słužbie Minharvykankama.
Tak, u damach № 103 i 105 na pr. Pieramožcaŭ i ŭ domie № 27 na vuł. Viasiołkavaj adklučeńnie vodazabieśpiačeńnia pieranosicca z 8 červienia na 27 lipienia.
A ŭ domie № 6 na vuł. Bieruta z 2 červienia haračaje vodazabieśpiačeńnie adklučać nie buduć. Pra terminy adklučeńnia hetaha abjekta budzie paviedamlena ŭ płanavym paradku.