U Bataničnym sadzie — tydzień radadendranaŭ FOTA
Tydzień radadendranaŭ prachodzić u Centralnym bataničnym sadzie z 26 pa 31 maja.
Jak paviedamlaje sajt Bataničnaha, usie žadajučyja zmohuć nie tolki atrymać asałodu ad masavaha ćvicieńnia hetych cudoŭnych raślin, ale i daviedacca ad kuratara kalekcyi pra miescy ich naturalnaha vyrastańnia, asablivaści vyroščvańnia i dohlad kvitniejučych kustoŭ.
Na hetym tydni ŭ kramie sadu z 10.00 budzie arhanizavanaja vystava-prodaž sadžancaŭ radadendranaŭ i inšych dekaratyŭnych raślin. Usie žadajučyja zmohuć atrymać dapamohu ŭ vybary sadžancaŭ i kvalifikavanuju kansultacyju.
30 i 31 maja ŭ 13.00 i 14.30 viadučyja śpiecyjalisty bataničnaha sadu praviaduć ekskursii pa kalekcyi radadendranaŭ. Ekskursijnyja hrupy farmujucca la ŭvachodu ŭ aranžareju trapičnych i subtrapičnych raślin.
U kalekcyi Bataničnaha sadu na siońniašni dzień naličvajecca kala 80 hatunkaŭ radadendranaŭ. Na fota — tolki nievialikaja ich častka…