Kijeŭ uskłaŭ vinu za padryŭ katara na DNR
Katar ukrainskaj pahransłužby padarvaŭsia kala Maryupala na samarobnaj vybuchovaj pryładzie, zroblenaj uzbrojenymi prychilnikami DNR i ŁNR, zajavili vajskoŭcy.
«Pavodle papiarednich vysnovaŭ ekśpiertaŭ, jakija rasśledujuć incydent z kataram Dziaržaŭnaj pamiežnaj słužby Ukrainy, jaki adbyŭsia 7 červienia kala Maryupala, pryčynaj zdareńnia stała samarobnaje vybuchovaje prystasavańnie, jakoje pryniesła moram z boku akupavanych terytoryj», - paviedamlaje pres-centr śpiecapieracyi.
Pa dadzienych siłavikoŭ, pamiežniki, jakija znachodzilisia na borcie katara, pryniali nieviadomy pradmiet za radyjobuj i pasprabavali padciahnuć jaho da sudna, u hety momant adbyŭsia vybuch.
Raniej paviedamlałasia, što ŭ vyniku padryvu ŭkrainskaha katary zahinuŭ adzin čałaviek - 45-hadovy žychar Maryupala. Jašče piaciora paranienyja. Los jašče adnaho pamiežnika nieviadomy.