Va ŭkrainskim šou «Hołas krainy» pieramoh uciakač z Danbasa VIDEA
Pieramožcam ukrainskaha telešou «Hołas krainy» staŭ uciakač z akupavanaha Daniecka Anton Kapycin. U finale jon śpiavaŭ pieśniu z repiertuara Queen I want to break free i kłasičnuju ŭkrainskuju pieśniu «Dva kolery» («Čyrvony i čorny»), napisanuju ŭ 60-ja paetam Dmytrom Paŭłyčkam.
U jaho raskošny, amal opierny hołas.
Pieramožca — šmatdzietny baćka i jevanhielski chryścijanin, jaki pravioŭ šmat dabračynnych kancertaŭ u prytułkach dla biesprytulnych dziaciej i ŭ danbaskich turmach.
Jon žyŭ uciekačom u Kijevie. Dziakujučy telešou jon nie tolki staŭ pieramožcam i atrymaje pucioŭku na vialikuju scenu. Prosta ŭ efiry finału jaho «trenierka» Cina Karol padaryła jamu kvateru ŭ Kijevie.