U Minsku źnik aŭtar skandalnaha rolika pra mietro Anton Pijeŭ
Pošukava-vyratavalny atrad «Anioł» šukaje Antona Pijeva, jaki źnik u kancy maja. 28-hadovy minčuk atrymaŭ viadomaść paśla taho, jak u 2011 hodzie nočču źniaŭ videarolik na stancyi mietro «Maskoŭskaja».
Małady čałaviek syšoŭ z domu 27 maja hetaha hoda ŭ nieviadomym kirunku. Da hetaha času nijakaj infarmacyi pra toje, dzie jon moža być, niama.
U 2011 hodzie, praź miesiac paśla teraktu ŭ minskim mietro, Anton Pijeŭ źniaŭ videarolik pra toje, jak jon ź siabrami nočču pabyvaŭ na stancyi «Maskoŭskaja», uvachod na jakuju čamuści nie byŭ začynieny. Pavodle jaho słoŭ, hetym učynkam jon chacieŭ pryciahnuć uvahu hramadskaści da prablemy biaśpieki.