U niekatorych rajonach Biełarusi zabaranili naviedvać lasy
Z 10 červienia pačynaje dziejničać zabarona na naviedvańnie lasoŭ u Kalinkavickim rajonie Homielskaj vobłaści, paviedamili ŭ pres-słužbie Ministerstva lasnoj haspadarki.
Miascovy vykanaŭčy kamitet vyrašyŭ takim čynam zaścierahčy lasy z-za vysokaj vierahodnaści pažaraŭ u rehijonie. Heta nie adziny rajon Biełarusi, dzie nielha chadzić u les i raspalvać tam vohniščy.
Zabarona dziejničaje taksama ŭ:
- Chojnickim rajonie (Homielskaja vobłaść)
- Brahinskim rajonie (Homielskaja vobłaść)
- Pinskim rajonie (Bresckaja vobłaść)
- Stolinskim rajonie (Bresckaja vobłaść)
- Čerykaŭskim rajonie (Mahiloŭskaja vobłaść)
- Mścisłaŭskim rajonie (Mahiloŭskaja vobłaść)
- Kaściukovickim rajonie (Mahiloŭskaja vobłaść)
- Babrujskim rajonie (Mahiloŭskaja vobłaść).
Dziaržaŭnaja lasnaja achova, rajonnyja adździeły pa NS, milicyja i inśpiekcyi pryrodnych resursaŭ i achovy navakolnaha asiarodździa razam patrulujuć lasy ŭ pošukach parušalnikaŭ zabarony.
Da 8 červienia z pačatku pažaraniebiaśpiečnaha siezona ŭ lasnym fondzie Minlashasa adbyłosia 286 pažaraŭ na ahulnaj płoščy 1.386,89 ha:
- Homielskaja vobłaść — 114 vypadki (1125,7 ha)
- Bresckaja vobłaść — 65 vypadkaŭ (75,13 ha)
- Mahiloŭskaja vobłaść — 64 vypadki (134,74 ha)
- Minskaja vobłaść — 31 vypadak (12,08 ha)
- Hrodzienskaja vobłaść — 5 (1,28 ha)
- Viciebskaja vobłaść — 9 (19,96 ha).