U Biełarusi źjaviŭsia traciejski IT-sud
Spravy ŭ śfiery infarmacyjnych technałohij ciapier možna vyrašyć u admysłovym niedziaržaŭnym sudzie.
Traciejski sud u śfiery infarmacyjnych technałohij i intelektualnaj ułasnaści Asacyjacyi kampanij infarmacyjnych technałohij pryniaty na ŭlik u Ministerstvie justycyi i ŭžo hatovy razhladać spravy, paviedamlaje TUT.BY.
Sud budzie vyrašać sprečki ŭ śfierach IT-biźniesu, aŭtarskaha prava, słužbovaj i kamiercyjnaj tajny. Rašeńni buduć mieć abaviazkovy charaktar i baranicca dziaržavaj.
Traciejski sud jość niedziaržaŭnym sudovym orhanam. Staršynia sudu — doktar jurydyčnych navuk, prafiesar Dźmitryj Dziemičaŭ, zahadčyk kafiedry teoryi i historyi prava ŭ BDEU. Jaho namieśnik — były hienprakuror Ryhor Vasilevič.
Pa słovach stvaralnikaŭ sudu, asablivaja ŭvaha nadavałasia padboru sudździaŭ (sa śpisam možna aznajomicca na sajcie AKIT), a zadača sudu — efiektyŭnaść i apieratyŭnaść razhladu spraŭ.