Muziej-dača Bykava — pad zamkom. Zahadčyka muzieja źmianili
Aficyjnaja pryčyna zakryćcia muzieja Bykava — kapitalny ramont. Zahadčyk muzieja Aleś Hibkoŭski zvolnieny. Naviedniki mohuć pabačyć tolki vialiki zamok na ŭvachodnaj bramie.
Letaś u Ždanovičach pad Minskam byŭ uračysta, z udziełam ministra kultury, adčynieny Muziej-dača Vasila Bykava — da 90-hodździa narodnaha piśmieńnika.
Byli pafasnyja słovy pra toje, jak Minkultury kłapocicca pra ŭšanavańnie pamiaci vialikaha tvorcy, nie škaduje na heta srodkaŭ. I heta pry tym, što dziaržava ŭ budaŭnictva muzieja nie ŭkłała ni kapiejki — daču padaravała joj ŭdava piśmieńnika Iryna Michajłaŭna Bykava.
Na žal, novastvorany muzej pracavaŭ usiaho niekalki miesiacaŭ. Siońniašnija naviedniki mohuć pabačyć tolki vialiki zamok na ŭvachodnaj bramie.
«Dla mianie zrazumieła, jak dvojčy dva: asoba Bykava, jak ništo inšaje i nichto inšy, moža abjadnać usich biełarusaŭ. Navat mova nas usich nia moža abjadnać, navat relihija, a Bykaŭ – moža. U źviazku z tymi padziejami, jakija adbyvajucca siońnia va Ukrainie, biełaruskaja dziaržava pavinna dumać najpierš pra nacyjanalnuju kansalidacyju. A tut prosta sabataž niejki. Takija adnosiny da imia Bykava, dy jašče napiaredadni prezidenckich vybaraŭ, mnie absalutna niezrazumiełyja. Toj «kapitalny ramont», pra jaki havoryć administracyja, moža było b zrabić za paru tydniaŭ, nie začyniajučy muziej», — raspavioŭ były zahadčyk muzieja Aleś Hibkoŭski i rastłumačyŭ, što budynak maje patrebu ŭ achoŭnaj i pažarnaj sihnalizacyi.
Hety muziej dziejničaŭ 4 miesiacy minułaha hoda jak siezonny: na zimu jaho začynili. Ale ź viasny zakryli ŭžo na kapitalny ramont. Zahadčyka na pracy nie adnavili.