Hienkonsulstva Ukrainy ŭ Rastovie-na-Donie zakidali jajkami, kamianiami, zialonkaj
Kala 20 čałaviek zakidali budynak hienieralnaha konsulstva Ukrainy ŭ Rastovie-na-Donie jajkami, kamianiami, pamidorami i zialonkaj ŭ noč na subotu.
Ministerstva zamiežnych spraŭ Ukrainy vykazała rašučy pratest z nahody napadaŭ na dypłamatyčnyja pradstaŭnictvy Ukrainy ŭ Rasii.
Jak skazana na sajcie viedamstva, ukrainski bok rasceńvaje takija dziejańni jak «śviadomuju pravakacyju suprać Ukrainy».
U Maskvie ŭviečary ŭ piatnicu nieviadomyja imitavali napad na pasolstva Ukrainy.
A napiaredadni, u čaćvier, ukrainskija aktyvisty zakidali zialonkaj i jajkami budynak hienkonsulstva Rasii ŭ Charkavie.
Rasijskaje MZS tady vykazała upeŭnienaść u tym, što milicyja nie pieraškadžała napadam, adnak charkaŭskaja milicyja paviedamiła, što achovu pravaparadku kala budynka hienkonsulstva Rasii ažyćciaŭlali kala 100 jaje supracoŭnikaŭ.