Cimoch Kałačoŭ pakinuŭ stan futbolnaj zbornaj. Pryčyny nie nazyvajucca
Paŭabaronca «Rastova» i zbornaj Biełarusi Cimoch Kałačoŭ nie zhulaje ŭ adboračnym matčy čempijanatu Jeŭropy-2016 suprać kamandy Ispanii. Pa źviestkach pressball.by, chaŭbiek ŭžo pakinuŭ stan nacyjanalnaj kamandy.
Ab pryčynach pakul nie paviedamlajecca. Na pieradmatčavaj pres-kanfierencyi hałoŭny trenier zbornaj Biełarusi Alaksandr Chackievič paviedamiŭ tolki ab tym, što ŭ matčy nie prymie ŭdzieł abaronca BATE Maksim Žaŭnierčyk.
Za paru dzion da hulni Kałačoŭ nastroiŭ suprać siabie častku zaŭziataraŭ nastupnym vykazvańniem: «Sprava nie ŭ karjery — zaŭsiody ličyŭ Rasiju rodnaj i blizkaj krainaj. Tym bolš u mianie tata — biełarus, a mama — ruskaja. Tak što dla mianie naohuł adroźnieńniaŭ niama — adny i tyja ž ludzi. I da Rasii staŭlusia vydatna. Uvohule, idealna, kali b my byli adnoj krainaj».