ANŁAJN z Palinaj Prysmakovaj, biełaruskaj, jakaja abaraniła PhD u Majami
zadavajcie pytańni u kamientach
Palina Prysmakova — biełaruska, jakaja žyvie ŭ Majami (ZŠA), sakratarka Biełaruska-amierykanskaha zadzinočańnia u paŭdniovaj Fłarydzie. Palina naradziłasia ŭ Minsku, vučyłasia ŭ Kołasaŭskim licei (darečy, adnahrupnica Franaka Viačorki).
Va ŭniviersitecie jana advučyłasia ŭ Polščy. U Biełastoku vyvučała mižnarodnyja adnosiny dy kulturałohiju, atrymała stupień mahistra pa jeŭrapieistycy.
Paśla praciahvała navučańnie ŭ Patsdamie (Hiermanija), Ńju-Jorku dy Majami (ZŠA). Jaje śpiecyjalizacyja — čałaviečyja resursy, matyvacyja pracy ŭ dziaržaŭnych i niaŭradavych arhanizacyjach, a taksama adnosiny Biełarusi z Kitajem (kitajskija ekspartnyja kredyty).
Supracoŭničała z Radyjo Racyjaj, Biełsatam dy analityčnym časopisam Belarus Digest.
Sioleta, akurat pierad Dniom Voli, Palina abaraniła kandydackuju dysiertacyju (PhD) pa dziaržaŭnym kiravańni ŭ Mižnarodnym univiersitecie Fłarydy. Palina vyvučała matyvacyju pracaŭnikoŭ dziaržaŭnych i niaŭradavych arhanizacyj u Biełarusi i Polščy. Ciapier jana pracuje vykładčykam u Fłarydskim Atłantyčnym univiersitecie.
«Ja nie liču siabie emihrantkaj, u mianie biełaruski pašpart», — kaža Palina. Prosta tak stałasia, što spačatku vučoba, a zaraz i praca znachodziacca za miažoj.
U studyi «NN» Palina Prysmakova adkazvaje na pytańni žurnalistaŭ i čytačoŭ. Pakidajcie pytańni ŭ kamientach pad artykułam.
Adkazy na pytańni hladzicie tut.