Biełaruś nie ŭvajšła ŭ sotniu miralubivych krain
«Aby nie była vajny» navat bolš pasuje ZŠA, čym nam.
Jeŭrazija i Paŭnočnaja Afryka ŭ rejtynhu-2015. Ciomna-zialonyja — samyja miralubivyja, čyrvonyja — najmienš miralubivyja. ZŠA na karcie, jak i Biełaruś, žoŭtyja
Aŭstralijski instytut ekanomiki i miru apublikavaŭ čarhovy Hłabalny rejtynh miralubivaści (PDF). Lidarami ŭ im zastalisia Isłandyja, Danija, Aŭstryja, Novaja Ziełandyja i Šviejcaryja. Najmienš miralubivyja — Afhanistan, Irak i Siryja.
Biełaruś zaniała 110 miesca sa 162. Našaja miralubivaść jašče aceńvajecca jak «siaredniaja», ale ŭžo blizkaja da «nizkaj». Zachodnija i paŭnočnyja susiedzi Biełarusi bolš miralubivyja, uschodnija i paŭdniovyja — mienš.
Rejtynh biare va ŭlik uzrovień hvałtu dy ŭnutranych i internacyjanalnych kanfliktaŭ, zatraty na vajskovyja patreby i militaryzacyju hramadstva.
Polšča zaniała ŭ rejtynhu vysokaje 19-je miesca (navat bolš miralubivaja za Niderłandy), Litva i Estonija na 37 i 38 miescach adpaviedna, Łatvija na 40-m (miž Łatvijaj i Estonijaj Vialikabrytanija). A voś Ukraina i Rasija — u chvaście rejtynhu sa 150-m i 152-m miescami adpaviedna, miž imi Nihieryja, a roŭna za Rasijaj — Paŭnočnaja Kareja.
Zatraty na hvałt składajuć 13,4% vałavaha ŭnutranaha praduktu ŭsiaho śvietu (u nas 4% VUP). Za apošni hod 78 krain stali mienš miralubivymi (u ich liku Biełaruś), 81 kraina — bolš miralubivaj. Pa ŭzroŭni militaryzavanaści my miž Turcyjaj i Daminikanskaj respublikaj, niedaloka ad Ałžyra i Livii.