U Minsk viernucca Enter Shikari
U vieraśni jany pradstaviać u Re:Public novy albom «The Mindsweep».
Anhlijskija post-chardkorščyki Enter Shikari anansavali vystup u minskim kłubie Re:Public 25 vieraśnia. U miežach kancerta projdzie prezientacyja novaha alboma hurtu «The Mindsweep». Kvitki majuć kaštavać 500-650 tysiač.
Enter Shikari ŭžo vystupali ŭ Minsku ŭ 2013 hodzie, toj vystup nazyvali najlepšym u Biełarusi ŭ tym hodzie. Vakalist hurtu tady prakaciŭsia pa rukach natoŭpu na pralnaj došcy jak na siorfie.
Hurt Enter Shikari byŭ zasnavany ŭ 2003 hodzie ŭ Sent-Ołbans (uschod Anhlii). Hraje post-chardkor z prymiesami dabstepu, transu i dram-end-bejsu. Vydali čatyry studyjnych albomy i stolki ž mini-albomaŭ. Dvojčy nazyvalisia hurtom z najlepšymi žyvymi vystupami na Kerrang! Awards, u 2012-m na toj ža premii byli nazvanyja hierojami hoda.