Sud admianiŭ prymusovaje lačeńnie dla Alaksandra Krutoha
Sudovaja kalehija pa kryminalnych spravach Mienskaha abłasnoha suda admianiła pastanovu suda Niaśviskaha rajonu pa abvinavačvańni Alaksandra Krutoha ŭ publičnaj abrazie prezydenta Biełarusi i admianiła vytvorčaść pa jahonaj spravie.
Ciońnia Mienski abłasny sud razhledzieŭ kasacyjnuju skarhu niaśviskaha pravaabaroncy Alaksandra Krutoha, abvinavačanaha ŭ abrazie prezydenta. 24 studzienia sud Niaśviskaha rajona pryznaŭ A. Krutoha vinavatym u publičnaj abrazie prezydenta. Pry hetym było vyznačana, što dziejańni asudžanaha nie niasuć vialikaj pahrozy dla hramadztva. Kryminalnuju spravu spynili, a Krutoha vyzvalili ad pakarańnia. Cud pastanaviŭ pryznačyć jamu prymusovaje lačeńnie ŭ psychijatryčnaj balnicy sa zvyčajnym nahladam, pakolki sudova‑medycynskaja ekspertyza vyjaviła ŭ jaho paranaidalnuju šyzafreniju. Paśla źmiaščeńnia Krutoha ŭ balnicu, jamu musili źmianić mieru strymańnia. U čakańni pieravodu ŭ balnicu, jon try tydni pravioŭ u Žodzinskim SIZA. 19 lutaha sudovaja kalehija pa kryminalnych spravach Mienskaha abłasnoha suda admianiła pastanovu suda Niaśviskaha rajonu pa abvinavačvańni Alaksandra Krutoha ŭ publičnaj abrazie prezydenta Biełarusi i admianiła vytvorčaść pa jahonaj spravie.