Vykradalniki samalota ŭ Ciumienskaj vobłaści zatrymanyja
Pravaachoŭnyja orhany Rasii zatrymali dvuch mužčyn, jakija ŭ niadzielu ŭhnali samalot Jak-52 z aeradroma ŭ horadzie Išym Ciumienskaj vobłaści.
«Mužčyny zatrymanyja va Uładzimirskaj vobłaści», — zajavili ŭ Ciumienskaj transpartnaj prakuratury.
U vobłaści zaviali kryminalnuju spravu pa artykule «vykradańnie pavietranaha sudna».
Ranicaj u niadzielu prykładna ŭ 04:50 z aeradroma avijaspartyŭnaha kłuba DTSAAF horada Išym byli sahnanyja pryvatnyja samaloty Gardan GY-80-160 i Jak-52. Praź niekatoryja čas piłot Jak-52 z-za techničnaj niaspraŭnaści samalota ździejśniŭ avaryjnuju pasadku na aeradromie kłuba DTSAAF horada Jałutaraŭsk. Zatym tut ža pryziamliŭsia druhi samalot. Jon zabraŭ piłota Jak-52, paśla čaho jany adpravilisia ŭ bok Maskvy.