Milicyja šukaje 12-hadovuju minčanku, jakuju maci zabrała ź letnika
Adšukvajecca źnikłaja bieź viestak niepaŭnahadovaja Łahućka Volha Barysaŭna (2003 h.n.), paviedamili va ŭpraŭleńni kryminalnaha vyšuku UUS Minabłvykankama.
Tam udakładnili, što navučenka 5-ha kłasa SŠ №13 h. Minska 13 červienia 2015 razam z maci (1981 h.n.) pakinuła terytoryju dziciačaha azdaraŭlenčaha łahiera «Pałačanka». U ciapierašni čas miescaznachodžańnie dziciaci i jaje maci nieviadoma. Mohuć badziacca i žabravać pablizu staličnych hipiermarkietaŭ.
Dziaŭčynka była apranutaja ŭ majku žoŭtaha koleru z vyjavaj piersanaža z multfilma «Miki Maŭs», džynsy siniaha koleru, śvietłyja krasoŭki.
Tych, chto maje infarmacyju pra miescaznachodžańnie dziaŭčynki i jaje maci, prosiać paviedamić u milicyju pa telefonach u h. Minsku: 229-05-90, 204-60-63, 229-04-03 abo ŭ bližejšy AUS pa telefonie «102».