«Usich z dniom pačatku vajny» — pres-sakratar patryjarcha Kiryła
Pres-sakratar Kiryła Hundziajeva ŭ hadavinu pačatka Vialikaj ajčynnaj vajny pakinuŭ na svajoj staroncy ŭ fejsbuku davoli nieadnaznačny dopis.
«Patryjarch siońnia a 4 ranicy ŭ Bresckaj krepaści na žałobnym mitynhu. Asablivaje i śviatoje miesca. Usich z dniom pačatku vajny», — napisaŭ Andrej Vołkaŭ na svajoj staroncy ŭ fejsbuku.
Usio vyhladała tak, nibyta pres-sakratar rasijskaha patryjarcha vinšuje svaich čytačoŭ z pačatkam samaha razburalnaha kanfliktu ŭ historyi čałaviectva.
Ale nieŭzabavie paśla taho, jak u kamientarach pačali vykazvacca aburanyja takoj farmuloŭkaj ludzi, Alaksandr napisaŭ jašče adzin post, u jakim śćviardžaŭ, što ŭ słovach «usich z dniom pačatku vajny» adsutničajuć vinšavalnyja noty i, aproč taho, jahonaja staronka nie adlustroŭvaje aficyjnuju pazicyju RPC pa hetym pytańni.