ZŠA zabaraniajuć marharyn
Amierykanskaja dziaržaŭnaja słužba kantrolu za jakaściu praduktaŭ i miedykamientaŭ (Food and Drug Administration) dała praduktovym kampanijam try hady na toje, kab pierabudavacca i całkam prybrać častkova hidrahienizavanyja transtłuščy z receptury piečyva, tartoŭ, pončykaŭ, pirožnych, čypsaŭ, vyrabaŭ u fryciury dy inšych.
Transtłuščy ŭtrymlivajucca ŭ marharynie i tannych sumiesiach dla smažańnia. Marharyn atrymlivajuć šlacham hidrahienizacyi raślinnaha aleju. U jaho «zabivajuć» pavietra, i vadkaja masa pieratvarajecca ŭ brusok. U vyniku hidrahienizacyi malekuły vadarodu šlacham chimičnaj reakcyi ŭbudoŭvajucca ŭ malekuły tłušču, i apošnija hublajuć svaju pieršapačatkovuju strukturu, nabyvajučy novuju, jakaja vielmi redka sustrakajecca ŭ pryrodzie.
Jak miarkujuć miedyki, fiermienty ŭ arhaniźmie nie raspaznajuć čužynca, a piečań reahuje na transtłušč hetak ža, jak na stres — vypracoŭvaje bolš chalesterynu, jaki ŭ vyniku adkładajecca na ścienkach kryvianosnych sasudaŭ.
Marharyny byli nadzvyčaj zručnyja dla vytvorcaŭ: jany značna tańniejšyja za masła, a ciesta z marharynu vychodzić nie horšaje, čym z masła.
U ZŠA vyvodziać z prodažu nie ŭvieś marharyn, a pradukty z častkova hidrahienizavanymi transtłuščami.
U Biełarusi transtłuščy, marharyny zastajucca dazvolenymi i masava vykarystoŭvajucca va ŭsioj fabryčnaj vypiečcy.
Zvyčajna abmiežavańni, uviedzienyja na amierykanskim rynku, pastupova raspaŭsiudžvajucca na inšyja krainy.