Rasieja vypłaciła apazicyjanieram pa 26 tysiač jeŭra za niezakonnaje zatrymańnie
Rasieja vypłaciła apazicyjaneram Alaksieju Navalnomu i Illu Jašynu kampiensacyju, jakuju im raniej prysudziŭ Jeŭrapiejski sud pa pravach čałavieka. Navalny i Jašyn atrymali pa 26 tysiač jeŭra. Navalny dadatkova atrymaŭ 2,5 tysiačy jeŭra za sudovyja vydatki.
Apazicyjanieraŭ asudzili na 15 sutak aryštu nibyta za niepadparadkavańnie palicyi padčas niesankcyjanavanaha šeścia 5 śniežnia 2011 hoda.Tady ŭ Maskvie pratestavali suprać falsifikacyj na parłamienckich vybarach.
Strasburski sud pastanaviŭ, što Rasieja parušyła čatyry artykuły Jeŭrapiejskaj kanviencyi ab abaronie pravoŭ čałavieka i asnoŭnych svabodaŭ.
Hramadzianie Biełarusi nie padpadajuć pad jurysdykcyju Jeŭrapiejskaha suda pa pravach čałavieka, bo Biełaruś nie ŭvachodzić u Radu Jeŭropy. Darečy, Biełaruś — adzinaja kraina Jeŭropy, što zastajecca pa-za Radaj.