Paśla napadu na plaž u Tunisie zakryjuć 80 miačeciaŭ
Ułady Tunisa zakryjuć 80 miačeciaŭ za padbuchtorvańnie da hvałtu paśla piatničnaha napadu na plaž, achviarami jakoha stali 39 čałaviek, u asnoŭnym zamiežnych turystaŭ.
Pavodle słoŭ premjer-ministra krainy Chabiba Esida, hetyja miačeci, jakija znachodziacca pa-za dziaržaŭnym kantrolem, «raspaŭsiudžvajuć atrutu i buduć zakrytyja na praciahu tydnia».
Adkaznaść za napad ŭziała na siabie hrupoŭka «Isłamskaja dziaržava».
U tvitary ID havorycca, što napad na plaž papularnaha tuniskaha kurorta Sus ažyćciaviŭ «sałdat Chalifata», jakomu ŭdałosia pieraadoleć usie miery biaśpieki.
Isłamisty raniej zaklikali prychilnikaŭ ŭzmacnić napady padčas śviatoha dla musulman miesiaca Ramadan.