Prajekt ukaza ab «zarobkach u kanviertach» budzie ŭniesieny va ŭrad u najbližejšy čas
Prajekt ukaza «Ab mierach pa praduchileńni vypłaty ŭznaharodžańnia za pracu z uchileńniem ad vypłaty padatkaŭ i inšych abaviazkovych płaciažoŭ» budzie ŭniesieny va ŭrad u najbližejšy čas.
Ab hetym paviedamili ŭ adździele infarmacyjna-rastłumačalnaj pracy Ministerstva pa padatkach i zborach.
«Zaraz u prajekt ukaza MPZ unosiacca asobnyja niepryncypovyja karekciroŭki. U pieršaj dekadzie lipienia prajekt ukaza budzie ŭniesieny na razhlad va ŭrad», — skazali śpiecyjalisty.
Raniej prajekt ukaza byŭ vyniesieny na hramadskaje abmierkavańnie, tekst ukaza raźmieščany na aficyjnym sajcie MPZ.
Jak rastłumačyli śpiecyjalisty, u chodzie abmierkavańnia ŭ MPZ pastupali ŭ asnoŭnym pytańni, jakija tyčacca paradku padatkaabkładańnia nieadlustravanych u buchhałtarskim uliku dachodaŭ i abmienu infarmacyjaj pamiž kantrolnymi orhanami. Akramia taho, niekatoryja prapanovy tyčylisia paradku afarmleńnia pracoŭnych adnosin i pradastaŭleńnia źviestak u orhany Fondu sacyjalnaj abarony nasielnictva ab zaklučanych z hramadzianami pracoŭnych i hramadzianska-pravavych damovach.
Zhodna z prajektam ukaza, kali hramadzianin paviedamić, što atrymlivaje zarobak u kanviercie, i (abo) pradastavić dakumienty, jakija śviedčać ab prykmietach takoha parušeńnia, to płacić padachodny padatak z šerych sum jamu ŭžo nie daviadziecca. Jašče adna ŭmova padatkovaj «amnistyi» - piśmovaja zhoda na daču pakazańniaŭ śviedak.
Prajektam ukaza praduhledžana, što pra fakty atrymańnia zarobku ŭ kanviercie možna budzie paviedamić u padatkovyja orhany, FSAN i jaho terytaryjalnyja orhany, a taksama ŭ «Biełdziaržstrach». Siudy ž nieabchodna budzie dać zhodu na daču pakazańniaŭ śviedak.
U miežach svajoj kampietencyi padatkaviki, FSAN, «Biełdziaržstrach» buduć prymać miery dla paćvierdžańnia faktu vypłaty zarpłaty ŭ kanviercie. Kali spatrebiacca dadatkovyja pravierki, to, u adpaviednaści z prajektam ukaza, hetym zojmucca orhany finansavych rasśledavańniaŭ Kamiteta dziaržaŭnaha kantrolu i Ministerstva ŭnutranych spraŭ.
Akramia taho, u dakumiencie prapisana adkaznaść pracadaŭcaŭ, vina jakich budzie dakazanaja. Praduhledžany štrafy ad 1 da 100 bazavych vieličyń (ciapier adna b.v. składaje Br180 tys.). Za paŭtornaje parušeńnie na praciahu hoda štrafy padvojacca.