12-hadovy školnik padčas hulni ź siabrami patanuŭ u race
Školnik ź Białynickaha rajona padčas hulni na bierazie raki zvaliŭsia ŭ vadu i patanuŭ, paviedamiŭ staršynia Mahiloŭskaj abłasnoj arhanizacyi Asvod Mikałaj Majsiejeŭ.
Paviedamleńnie pra zatanułym dziciaci pastupiła vyratavalnikam 5 lipienia paśla 17:00. Vadałazy pošukava-manieŭranaj hrupy Asvod vyjavili i dastali z vady trup. Ustanoŭlena, što heta byŭ 12-hadovy vučań 5-ha kłasa, žychar vioski Asaviec. Dzicia, hulajučy ź miačom na bierazie raki razam ź inšymi dziećmi, spatyknuŭsia i ŭpaŭ u vadu. U hetym miescy była vialikaja hłybinia (3 m) i dosyć chutkaja płyń, školnik płavać nie ŭmieŭ, što i pasłužyła adnoj z asnoŭnych pryčyn hibieli.
Pa dadzienym fakcie Białynicki rajonny adździeł Śledčaha kamiteta pravodzić pravierku.